12. D'fhiafraigh Deputy Aengus Ó Snodaigh den Minister for Culture, Communications and Sport an bhfuil sé ar an eolas faoi gheo-bhlocáil a chuireann isteach ar chláracha Gaeilge ó chraoltóirí seirbhíse poiblí a bheith ar fáil don lucht féachana sna Sé Chontae, ar sheirbhís bheo agus ar sheinnteoirí ar líne araon, agus an bhfuil sé i gceist aige aon ghníomh a chur i gcrích chun a chinntiú go bhfuil fáil ag an lucht féachana fud fad na hÉireann ar ábhar sa teanga náisiúnta. [33400/26]

Sentiment score: -0.02

Baineann an cheist seo leis an geo-bhlocáil atá á dhéanamh ar chláracha Gaeilge ó chraoltóirí seirbhíse poiblí nach bhfuil ar fáil don lucht féachana sna Sé Chontae de bharr an geo-bhlocáil atá á dhéanamh ar sheirbhísí beo agus ar sheinnteoirí ar líne araon. An bhfuil sé i gceist ag an Aire aon ghníomh a dhéanamh chun deireadh a chur leis an geo-bhlocáil sin ionas gur féidir le lucht féachana ar fud na hÉireann ábhair atá á chraoladh sa teanga náisiúnta a fháil?

Sentiment score: -0.35

Baineann an cheist seo le halt a bhí ar Journal.ie le déanaí. Is ceist í atá ardaithe agam agus ag daoine eile i dTithe an Oireachtais. Baineann sí le cláir do leanaí ar nós "Bluey" nó "Dora". Bíonn an clár “Dora” ar TG4 agus bíonn “Bluey” ar RTÉ. Tá geo-bhlocáil á dhéanamh. San alt céanna, dúirt Pádraig Ó Tiarnaigh ó Chonradh na Gaeilge: Tá sé scannalach, beagnach 30 bliain ar aghaidh ó Chomhaontú Aoine an Chéasta, go bhfuil RTÉ iad féin ag déanamh socruithe clár teilifíse a cheannach agus a chur ar fáil trí Ghaeilge, agus ansin bac a chur...[orthu siúd] do phobal na Gaeilge atá lonnaithe sna sé chontae. Bhí leanaí Phádraig ag baint sult as "Bluey" trí Ghaeilge agus iad ar saoire I dTír Chonaill. Nuair a d'fhill siad abhaile, áfach, bhí "Bluey" imithe don seinnteoir. Tá muid anois tamall maith de bhlianta ó Chomhaontú Aoine an Chéasta inar glacadh leis go ndéanfaí cinntí le déanamh cinnte de nach mbeadh cosc nó baic maidir le cothú agus forbairt na teanga.

Sentiment score: 0.00

Tuigim go dtuigeann an tAire an cheist. Ní bhím ag féachaint ar "Bluey" mórán ach nuair atá na garpháistí linn, bíonn siad á lorg i mBéarla, i nGaeilge nó i pé teanga ina gcraoltar é. Is breá leo "Bluey". Nuair a bhí m'iníon óg, is ar an chlár "Dora" a bhíodh sí ag féachaint. Nuair atá RTÉ agus TG4 ag ceannach cláir mar seo agus ag déanamh aistriúcháin orthu, má dhéanann siad iad féin é, tá sé tábhachtach go bhfuil na ceadúnais acu chun na cláir a chraoladh fud fad na hÉireann ina iomláine. D’fhoilsigh mé an Bille Craolacháin (Seirbhís Uile-Éireann) (Leasú), 2025 chun díriú isteach ar an gceist seo. Tá sé tábhachtach go mbeadh an Rialtas ag díriú isteach air seo ionas gur féidir linn teacht timpeall ar an bhfadhb seo.

Sentiment score: -0.01